ديوانية الفارس

مو كل من لمك وضمك بيدفيك..
ولا كل من قال أحبك من قلبه نطقها..

والحبيب اللي أشواقه منك وفيك..
صار نار يحرق وحنانه أشبه بحطبها

إحذر من دنيا تآخذ ولا تعطيك..
وإن عطت باكر تخلف بوعدها..

ناس بلحظة تودك وعقبها تجفيك..
وناس الخيانه أصبحت من طبعها..

وإن صارت الدنيا بضيمها تبكيك..
لا تفكر تعاني ولا يهمك عتبها..

وإن حبيبك قال إبشر بخليك..
لا تندم عيش فرحتك ويا أملها..

صحيح بتتعب وبيوم الله بيهديك..
شوف وشلون أرواح ربي نصرها..

تجرعنا المراره بأنواع هاذي وذيك..
قلنا بكره بننسى ونمحي تعبها..

بسك زعل يا صاحبي وشفيك..
مانبي جروح ما انتحمل ألمها..

أحبك كلمة قلتها وإن كانها تكفيك..
بقول أكثر من اللي لسانك نطقها..

ويا حبيبي كانك بترحل عسى الله يهنيك..
وعسى الله يبعد عنك الظلمة وعتمها